• EN

परिचय

 

भन्सार प्रशासन राष्ट्रको ऐना हो जसको माध्यमबाट संसारले राष्ट्रको प्राथमिक छवि निर्माण गर्दछ। भन्सार प्रशासन, नयाँ अन्तर्राष्ट्रिय आर्थिक परिदृष्यले केन्द्रमा राखेको व्यापार प्रवर्धनको प्रथम विन्दु हो । अर्थ मन्त्रालयको तीन विभागमध्ये भन्सार विभागको मातहतमा हाल ३९ ओटा मूल भन्सार कार्यालय, १३३ वटा छोटी भन्सार कार्यालय र १ भन्सार जाँचपास परीक्षण कार्यालय रहेका छन् । राजस्व संकलनको महत्वपूर्ण हिस्सा ओगटेको भन्सार प्रसासनले कुल राजस्वको ४४ प्रतिशत र कर राजस्वको ५० प्रतिशत योगदान गर्दछ। यसका साथै भन्सार प्रशासनले राष्ट्रिय सुरक्षा तथा स्वदेशी उद्योगको संरक्षण समेत गर्दछ। समग्रमा भन्नु पर्दा, कोभिड १९ को महामारीको विषम परिस्थितीमा समेत अन्तर्राष्ट्रिय व्यापारको सुनिश्चितताको लागी भन्सार प्रशासनले मालवस्तुको अविच्छ्न्न आपुर्तिको सुनिश्चिततालाई कायम राखेको यथार्थले भन्सार प्रशासनको महत्वलाई थप उजागर गरेको छ ।

नेपालको भन्सार प्रशासन २१ सौं सताब्दीको भन्सार प्रशासनले निम्त्याएको चुनौतिसँग जुध्न मार्गचित्र कोर्दै निरन्तर अघि बढ्दै छ। सन् १९८६ मा विश्व भन्सार संगठनसंगको आबद्धतासँगै नेपालको भन्सार प्रशासन विश्व भन्सार प्रशासनको माध्यमबाट अन्तर्राष्ट्रिय व्यापार प्रणालीसँग जोडिएको छ । विश्व भन्सार संगठनले जारी गरेका औजार तथा मापदण्डलाई पालना गर्दै अन्तर्राष्ट्रिय व्यापारमा आएको परिवर्तनसँगै भन्सार प्रशासनलाई अझ बढी कुशल, सेवामूखि तथा पारदर्शी बनाउन हामी निरन्तर प्रयत्नशिल रहेका छौं। नेपालको भन्सार प्रशासन भन्सार महसुल संकलनको लागि ई-पेमेन्ट, व्यापार प्रवर्धनलाई प्रोत्साहन गर्न सरोकारवालाहरुलाई एकै ठाँउमा आबद्ध गर्नको लागि नेपाल राष्ट्रिय एकद्वार प्रणालीको विकास तथा भन्सार जाँचपास प्रणालीलाई स्वचालीत बनाउन आशिकुडा वर्ल्ड (ASYCUDA WORLD) को कार्यान्वयन जस्ता कार्यहरु अवलम्बन गर्दै डिजिटल रूपान्तरणको यात्रामा निरन्तर अघि बढिरहेको छ ।यिनै तथा छैठौ भन्सार सुधार तथा आधुनिकिकरण योजना (२०७८/७९-२०८२/८३) ले औल्याएका रणनीतिको माध्यमले ७० औ अन्तर्राष्ट्रिय भन्सार दिवसमा आत्मसाथ गरीएको नारा "Scaling up Customs Digital Transformation by Embracing a Data Culture and Building a Data Ecosystem" लाई साकार बनाउन हामी प्रतिबद्ध रहेका छौ।

 
कमल प्रसाद भट्टराई
महानिर्देशक